በምትኩ አዲሱ

ክፍል አንድ

 

ሁለተኛው ደግሞ፣ የእምነት አቋምዎን እንዴት ይገልጹታል? የሚል ይሆናል።

ምናልባት፣ ከየት ልጀምር? የቱን ይዤ የቱን ልተው? ሳይሉ

አይቀርም። ወይንም በርግጠኝነት፦ "እምነቴ መንፈስ ቅዱስ እንደ መራኝና እንዳረጋገጠልኝ ነው" ወይም "ምን ጥያቄ ያሻዋል ደግሞ፣

www.jesuswalk.com

እምነቴም አቋሜም ኢየሱስ ነው፤ መሠረቴም በቃሉ ውስጥ የሠፈረው ሁሉ ነው" ይሉ ይሆናል።

ምላሽዎ ስህተት አይደለም። እንዲያውም ጥሩ ጅማሬ ነው። ሆኖም ሰፊና ድፍን ከመሆኑ የተነሣ ጥያቄውን እንደሚገባ ዘልቆ አያብራራም።

እንግዲህ ቀጥሎ ባሉት ገጾች ላይ የእምነታችን አቋም መግለጫ ምንነትና አስፈላጊነት ከእግዚአብሔር ቃልና ከክርስቶስ ቤተ ክርስቲያን የሕይወት ምስክርነት ጋር በማያያዝ ለመረዳት እንሞክራለን።

የምንገኝበት ዘመን ጥንቲቷ ቤተ ክርስቲያን ካሳለፈችው ጋር ሲስተያይ ብዙ ልዩነት አይታይበትም። ዛሬም እንደ ጥንቱ የወንጌልን እውነት የሚቀናቀኑና የሚያዘናጉ ነገሮች በዝተዋል። የቤተ ክርስቲያን ሥልጣን ተንቋል። ግለኝነት እያየለ ነው። የምዕመኑ ትኩረት በሚታየውና በሚጨበጠው ነገር ላይ ሆኗል። የወንጌልም ትምህርት ይህን የጊዜውን ሁኔታ እንዲያጸባርቅና የሰሚውንም ስሜት እንዲያረካ ተመቻችቶ እየቀረበ ነው። የእምነት አቋማችንን አጥርተን ማወቅ ያለብን ለዚህ ነው።

በተጨማሪ፣ የዚህ ጽሑፍ ዓላማ አቧራ እየጠጡ ያሉትን የጣልናቸውን ታሪካዊ ቅርሶቻችንን አራግፈን እንድናነሳ ለማሳሰብ ነው። እግረ መንገዳችንን እነዚህ ቅርሶች የተዘነጉበትን ምክንያት እንመረምራለን። እስቲ ጌታ ይርዳን።

እግዚአብሔርን ለማወቅ፣ ሰውን ዓለማትንና ዘመናትን ለመረዳት፣ እግዚአብሔርም ከኛ የሚጠብቀውን ለመለየት ቃሉን ሥርዓትና ምልዓት ባለው መልኩ ማጥናት አማራጭ የሌለው ጉዳይ ነው። የእምነት አቋም ባጭሩ በዚሁ ተግባር ላይ የተመሠረተ ነው።

ሰው ሆይ፣ መልካሙን ነግሮሃል

እግዚአብሔር ከሰው ይህን እሻለሁ ሲል፣ በጎና ክፉ ምን እንደሆነ ሳያስታውቀው አይደለም፤ ምሕረትንና ትሕትናን ሳያሳየው አይደለም፤ በሌላ ስፍራ፣

ከቀደሙት ቅዱሳን ሲወርድ ሲዋረድ የተላለፈልንን እምነት ማውሳት የሥጋዊነት ምልክትና ኋላ ቀርነት፣ ሲብስም የመንፈሳዊነት ጉድለት እንደሆነ ሲታሰብ ቆይቷል። ከዚህም የተነሣ አብዛኛው ምዕመን እምነተ አቋሙን በቅንጥብጣቢው እንጂ አሟልቶ እንዳይገነዘበው ተደርጓል። ይህ አሣዛኝና አሳሳቢ አዝማሚያ ነው።

ቤተ ክርስቲያን የሞተላት ጌታዋና የተከታዮቹ የጸሎት ፍሬ፣ የእንባና የእርዛት፣ የስደትና እስራት፣ የደስታና የደም ፍሬ እንደመሆኗ ታሪኳን ማወቅ ቅድሚያ ሊሰጠው ይገባል። ቤተ ክርስቲያን ያለችበትን ሁኔታ መገንዘብ የምትችለው የኋላውን በመናቅ አይደለም። ዘመናዊነት ብርቅ አይደለም። በገዛ ዘመኑ ብርቅና ዘመናዊ ያልሆነ የለምና። ሥልጣኔ የሰውን ዕድሜ ያክል የኖረ ነው። ኃጢአት አይሠለጥንም፣ ጽድቅ አይሻሻልም። ሰው መሠረቱንና ቀለሙን አይለቅም።

የረባ ግንዛቤ የሚገኘው ከሌላ በመኰረጅ ሳይሆን፣ ወንጌል የፈለቀበትንና ያደገበትን ባሕል ጠንቅቆ በመረዳትና ከተያዘው ባሕል ጋር በማጣጣም ነው። የትኛውም ባሕል ከሌላው አይሻልም። ለምሳሌ፣ የአሜሪካኖች ባሕል ከአበሾቹ አይሻልም። ሁለቱም እንከን አይታጣባቸውም። ሁለቱም የሰው ልጅ የኑሮ ትግልና ልምድ ውጤት ናቸውና። እንደ ተፈቀደለት መጠን የወንጌል ብርሃን የትኛውንም ባሕል ያጠራዋል፣ ይቀይረዋል። ክርስቲያናዊ ባሕልን፣ ክርስቲያናዊ ቋንቋና ሥነ-ምግባርን ያጐናጽፈዋል። ወንጌል በደረሰበት ሁሉ እንደየባሕሉ አምልኮውና ሥርዓቱ ሊለያይ ይችላል። ወንጌል መሠረታዊ መልእክቱ ሳይዛነፍ እንደየባሕሉ የሚ-ለ-ያይ ቅርጽ ይኖረዋል ማለት ነው።

የኢትዮጵያ ክርስትና አቅራቢያው ከሚገኘው ባሕል ጋር ሳይመሳሰል ለውጥ ማምጣት ሆነ ሥር ሰዶ ማደግ አይችልም። እንዲያውም ለገዛ ባሕሉ ባእድ ወደ መሆን፣ በተመልካች ዘንድ ወደ መጠርጠር ይደርሳል ማለት ነው።

በዚህ ዘመን ትኩረቱ በመንፈሳዊ ልምምዶች ላይ የሆነ ይመስላል። አንዳንዶቹ ልምምዶችና ትምህርቶች ሰሞናዊ መልክ ይታይባቸዋል። ይህን አባባል ለማረጋገጥ እነዚህን ሃያና ሰላሣ አመታት መቃኘት ይበቃል።

በስሜታችን የምንለማመዳቸው አያስፈልጉም አንልም። እግዚአብሔር የስሜታችንና የሁለንተናችንም ጌታ ነውና። ስሜት ግን በመሠረታዊ የእምነት ትምህርት ሚዛኑ ካልተጠበቀ ለስሕተትና ለግለኛ ሕይወትና አመራር ይዳርጋል። የእምነት አቋም መግለጫ ቦይ ቢሆን የሕይወት ልምምድ ደግሞ ውሃው ነው ማለት ነው። ሁለቱም ይጠባበቃሉ። ውሃው ፈሩን ለቅቆ እንዳይባክን፣ መረን ወጥቶ ጥፋት እንዳያስከትል ቦዩ ወደ አንድ ግብ ይመራዋል። ያም ግብ ኢየሱስ በሁሉ ላይ ጌታ እንደ ሆነ በሁሉ አቅጣጫ ማወጅ ነው።

ለመሆኑ የቤተ ክርስቲያን እምነተ አቋም በአብዛኛው ማሕበረ ምዕመን ዘንድ ሰርጾ የማይታወቀው ለምንድነው? ስድስት ምክንያቶችን መጥቀስ ይቻላል። እነዚህም የሚከተሉት ናቸው፦

1. ምንነቱንና አስፈላጊነቱን አለማጤን፣

የእምነታችን አቋም መግለጫ ከእግዚአብሔር ቃል እንደተውጣጣ ሳይሆን ሰዎች ከፈቃዳቸው የቀመሙት፣ ከቤተ ክርስቲያን አብራክ እንደ ተገኘ ሳይሆን ደረቅ ቃልና መንፈሳዊነት የጐደለው እንደሆነ ይታሰባል። የእምነት አቋማቸውን በአምልኮ ሰዓት የሚያውጁ ማኅበረ ምእመናን መንፈሳዊነት እንደጎድላቸው ይታሰባል። ይህ ስሕተት ነው። ይልቅ የእ.አ.መ. በገዛ ደሙ የዋጃትን የእግዚአብሔርን ቤተ ክርስቲያን ለመጠበቅ፣ ለመንጋው የማይራሩ ግለ ሰቦች አምኒአንን ወደ ኋላ ለመሳብና ለማጣመም እንዳይችሉ ዓይነተኛ መሣሪያ ሆኖ ኖሯል።

ዝግ ብሎ ላጤነው ተራው ምዕመን ሳይቀር እንደ ደረሰበት የጸጋ እርምጃ መጠን ስለ ክርስቶስ አዳኝነት፣ ስለሚመጣው ዓለም፣ ስለ ቤተ ክርስቲያን፣ ወ.ዘ.ተ. የራሱ አቋምና መረዳት አለው። የእምነት አቋም መግለጫ ይህንና ይህን የመሰለውን ያደራጀዋል፤ ቅርጽ ይሰጠዋል፤ የጋራ አቋም ያጎናጽፈዋል።

እንግዲህ አንድ የአማኒያን ትውልድ ስለ ክርስቶስ የተቀበለውን ወግ ለሚቀጥለው ትውልድ የሚያስተላልፍበት ዓይነተኛ መንገድ ነው፤

በመሠረቱ የእ.አ.መ. በታሪካዊ ይዘቱ አራት ገጽታዎች ይታይበታል፤

ሀ. አጭርና ቀጥተኛ ነው። ለምሳሌ፣ የዓሣ ምስል

አጭርና ቀጥተኛ መሆኑ የእግዚአብሔርን ቃል ማወቅ ለሚሹ፣ ምኑን ምን ብዬ ከየት ልጀምር ለሚሉ ሁሉ ምሪት ይሆናቸዋል፤ ለጥረታቸው ቅርጽ ይሰጠዋል ማለት ነው።

ለ. ለማስታወስ እንዲረዳ በዜማ ቅኔ የተያዘ ነው፣

መ. ከውጭና ከውስጥ ስደትና ችግር ሲነሣ ስሕተትን ለማረም፣ እውነቱን ደግሞ ለማስረገጥ እንደ ሁኔታው የሚለወጥ ነው።

በዚህ መሠረት፣ በመጀመሪያዎቹ አራት መቶ አመታት የቤተ ክርስቲያን ታሪክ ውስጥ አራት ዓይነተኛና በወቅቱ ለተነሱ ኑፋቄዎች ማፍረሻ የሚሆኑ የእምነት ሕይወት ማጽኛና መመሪያዎች ተላልፈውልናል (በዚህ ርዕስ ሥር ከሚቀርቡት ተከታታይ ክፍሎች በመጨረሻው ክፍል ላይ ይመልከቱ)።

የእምነታችን መካከለኛና መሠረቱ ጌታ ኢየሱስ ክርስቶስ ነው። ይህም እውነት በብሉይና በሐዲስ ኪዳን ትምህርት ላይ የታነጸ ነው። ሆኖም የሰው ወግና ሥርዓት የኢየሱስን መካከለኛነት በዘመን ሁሉ ሲቀናቀነው ይታያል። በቃሉ ላይ የተመሠረተ ትምህርት ኢየሱስን እያወጀ ይተረጉመዋል። በትንሣኤው እውነት ኃይል ወንጌሉን ለዓለም ሁሉ እያዳረሰ የሰጠውን ትእዛዝና ለርሱ ክብር የሚገባውን አምልኰ ያስረዳል፣